ઈરાને અમેરિકા સામે મૂકી બે શરત, ટ્રમ્પ બોલ્યા અમારાં હથિયારો લોડ થઈ રહ્યાં છે

US Iran Peace Talks in Pakistan: મધ્ય પૂર્વમાં ચાલી રહેલા ભારે તણાવ વચ્ચે ઈસ્લામાબાદમાં શનિવારે યોજાનારી શાંતિ વાર્તા અનિશ્ચિતતાના વાદળોમાં ઘેરાઈ ગઈ છે. અમેરિકાના ઉપરાષ્ટ્રપતિ જેડી વેન્સ વાર્તા માટે રવાના થઈ ચૂક્યા છે, પરંતુ ઈરાનના સંસદ અધ્યક્ષ મોહમ્મદ બઘેર ગાલિબફના નિવેદને આખી બાજી પલટી નાખી છે.

ઈરાનની બે મોટી શરતો

ઈરાની સંસદના અધ્યક્ષે સોશિયલ મીડિયા પર સ્પષ્ટ કર્યું છે કે, જ્યાં સુધી આ બે શરતો પૂરી નહીં થાય, ત્યાં સુધી કોઈ વાતચીત શક્ય નથી. લેબનાનમાં સીઝફાયરની શરત, લેબનાનમાં ઈઝરાયલ અને હિઝબુલ્લાહ વચ્ચે ચાલી રહેલા યુદ્ધ પર તાત્કાલિક અને અસરકારક યુદ્ધવિરામ લાગુ કરવામાં આવે.